Sos datos anagràficos de onni tzitadinu residente sunt manizados de sos servìtzios demogràficos comunales. S'ente locale, pro mèdiu de sos funtzionàrios suos chi traballant in sos servìtzios demogràficos e chi sunt tzerriados ufitziales de istadu tzivile e de anàgrafe, est tando s'ente chi devet costoire e amparare custos datos, siat pro s'agiornamentu de sos registros de sos tzitadinos residentes (zente chi movet dae àteros comunes o si nch’andat dae cussu de residèntzia) chi de s'istadu tzivile (nàschidas, isposórios, mortes, ecc).